ሐምሌ 6 ቀን 2013 ዓ/ም
በኮሙኒኬሽን ጉዳዮች ዳይሬክቶሬት ችግኝ ተከላ ተካሄደ:-
የኢትዮጵያ ብሔራዊ ቴአትር መላው ሠራተኞች "ኢትዮጵያን እናልብስ"
በሚል መርሃ ግብር መሰረት በቢሾፍቱ "ኦዴ" ተብላ በምትጠራ ከተማ
አካባቢ ሐምሌ 6 ቀን 2013 ዓ/ም የችግኝ ተከላ አካሄዱ፡፡
"ችግኝ ተክሎ መንከባከብ ካልተቻለ አለመትከሉ ይመረጣል" ያሉት
የቢሾፍቱ ግብርና ቢሮ ጽ/ቤት ሃላፊ አቶ ኡሞ ደንጋጋ የኢትዮጵያ
ብሔራዊ ቴአትር ሠረተኞች የሚተክሉትን ችግኝ በቋሚነት መንከባከብ
እንዲሁም ቢያንስ በ3 ወር አንዴ እየመጡ መጎብኘት ቢችሉና እድገቱን
ቢከታተሉ መልካም ነው" ብለዋል፡፡
በችግኝ ተከላው መርሃ ግብር ላይ ከሁለት ሺህ በላይ ችግኞች የተተከሉ
ሲሆን የመርሃ ግብሩ አስተባባሪ የሆኑት የሰው ሀብት ልማት አስተዳደር
ዳይሬክቶሬት አቶ ውበቱ ወርቁ የተቋሙ ሠራኞች በተቋም ደረጃ በችግኝ
ተከላ መርሀ ግብር ሲሳተፉ ይህ ሁለተኛቸው እንደሆነ አስታውሰዋል፡፡
አያይዘውም አርቲስቶች"ኢትዮጵያን እናልብስ" በሚለው የችግኝ ተከላ
መርሃ ግብር ላይ ያለምንም ጎትጓች በከፍተኛ ፍቀደኝነት እንደተገኙ ገልጸዋል፡፡
ሀምሌ 22 ቀን 2011 ዓ/ም "አረንጓዴአሻራ" በሚል ዘመቻ የተጀመረው
ችግኝ ተከላ ጠቅላይ ሚኒስትር ዐብይ አህመድን ጨምሮ ከፍተኛ ባለስልጣናትና
የተለያዩ አካባቢ ነዋሪዎች በሀገር አቀፍ ደረጃ በአንድ ጀንበር 350 ሚሊዮን
በላይ ችግኝ በመትከል በህንድ ሀገር ተይዞ የነበረውን የዓለም ክብረወሰን
ኢትዮጵያ መስበሯ መዘገቡ አይዘነጋም፡፡
---------//------------
ችግኝ ለመትከል ስንነሳ መንከባከብንም አንርሳ!!
